Mîrzayê Biçûk, Antoine de Saint-Exupéry
Û xwe pir reben dît. Gula wî jê re gotibû ku di gerdûnê de, ji cureyê wê tenê ew bi xwe heye. Û va ye pênc hezar gul, hemû jî weke hev, di nava baxçeyekî de! Wî xwe bi xwe got: "Ger ev yek dîtiba, wê pir aciz bibûya… Ew ê zehf bikuxiya û ji bo henekê xwe pê nekin, xwe li mirîtiyê daniya. Ez jî dê neçar bûma lê miqate bim, çimkî nexwe, ji ber biçûkxistina min be jî, wê bi rastî jî xwe spartiba mirinê..." Wî dîsa ji xwe re got: "Ji ber guleke yekane, min bawer dikir ku ez dewlemend im, lê ez tenê xwedî guleke asayî me. Ev yek û herwiha sê volkanên heta jinûyên min tên, ku yek ji wan belkî ji bo heta hetayê vemirîbe, nabin sedem ku ez bibim mîrzayekî mezin..." Îcar xwe di nav gihayan de dirêj kir û giriya.
0 Yorum :
Yorum Gönder